يلا شوت

مرتضى منصور يطلق رسائل نارية بعد ترشحه لانتخابات الزمالك


أطلق مرتضى منصور رئيس نادي الزمالك رسائل نارية بعد تقدمه بأوراق ترشحه لرئاسة النادي برفقة قائمته، من أجل قيادة النادي في فترة جديدة.

وقال منصور في تصريحات صحفية: ”اللي هيخرج عن الإطار وأولهم أنا سيتم محاسبته، والناس اللي بتقول الانتخابات باطلة عندنا اكتر من 70 اسم متقدم، وعملنا زي ليبيا كل واحد بيرشح نفسه على منصب الرئاسة”.

وأشار: “قولنا للوزير ياريت الانتخابات تكون على 3 أيام علشان التكدس، عندنا 400 ألف عضو في الجمعية العمومية، ولو كانت يوم واحد مفيش حد تقريبًا هيصوت في الانتخابات والموضوع مش عند وملوش علاقة بالعند أو اللائحة الاسترشادية”.

وأوضح: “من المتوقع حضور جماهيري كبير في الانتخابات، عايزين نحافظ على الأعضاء في عملية التصويت”.

ووجه مرتضى منصور رسالة للجهات المعنية، قائلاً: “عايزين الانتخابات على ثلاث أيام خميس جمعة وسبت”.

وواصل: “نص المتقدمين في المرشحين جايين من عند ممدوح عباس اللي بيطعن على صحة الانتخابات، وإجراءات الانتخابات تم مراجعتها من قبل وزارة الشباب والرياضة ومديرية الشباب والرياضة وتم نشرها بناءًا على ذلك”.

واستطرد: “أول مرة أشوف هذا الذكاء المفرط من شخص مش عايزني أكون موجود في النادي وفي نفس الوقت بيطعن على الانتخابات وده معناه إن المجلس بتاعي هو اللي هيكمل في النادي، ومش فاهم عايز ايه من النادي”.

وأردف: “هاني العتال احترم نفسه ومقدمش في الانتخابات ويشكر على كده، واللي بيحترم نفسه يبعد عن النادي الفترة دي”.

وتابع: ”الدكتور حسام المندوه احترم نفسه ومنزلش، لكن مين عمرو أدهم اللى قدم أوراق ترشحه ده ومحدش يعرف يمكن يكتسح الانتخابات دى رغم أن كان في اللجنة اللي سابت النادي على الصفر”.

واستمر: “مجلس الإدارة لن يعترض على أوراق أي مرشح حتى لو كان ورقه غير سليم، واللي بيني وبينهم الجمعية العمومية، وهشام نصر ممكن يخرج من الانتخابات لأنه عنده عقوبة رياضية دولية بالإيقاف، ومع ذلك مش هنطعن على أوراق ترشحه، لأني مش عايز أعمل من حد بطل من ورق”.

وأوضح: “الوزير كلمني النهاردة وشكرني على الإجراءات بتاعت الانتخابات، والفيصل هو الجميعة العمومية، واللي عايز يشيل الشيلة يتفضل، وعندنا في شهر يناير مطلوب من النادي 120 مليون مستحقات عقود اللاعبين، ومفيش منها مليم، وأنا وجهت بصرف مستحقات اللاعبين”.

وأتم: “فيه واحد كان ليه تسجيل شتم فيه كل رموز الزمالك السابقين خلال مكالمته مع صحفي في الشروق، وهمنع فكرة أني أقول للأعضاء على التعليمات اللي كنت دائمًا بقولها كل خميس وجمعة عشان أنا حاليًا مرشح”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى