علق كريم فؤاد نجم النادي الأهلي علي إصابته بقطع في الرباط الصليبي للركبة، خلال مشاركته مع فريقه أمام سموحة في الجولة الماضية وانتهت بفوز المارد الأحمر بهدف نظيف.
وكتب كريم فؤاد عبر حسابه الشخصي على موقع التواصل الاجتماعي “إنستجرام”. ” كل خسارة دون الجنة ، فهي دون اللهم لك الحمد كما ينبغي لجلال وجهك وعظيم سلطانك . الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونفسه فيها وطموحه وسعادته فيها . ودا بيكون إختبار ليك هتعمل ايه في الموقف دا . وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا “.
وأضاف نجم الأهلي :” وانا كان مكتوبلي اصابة في الرباط الصليبي للمره التانيه . بس عندي احساس تاني خالص مع الإختبار دا . انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير . وكمان إختبار مش جديد عليا بعيده للمرة التانية في وقت قصير ف هعرف اتعامل معاه بشكل كويس ويمكن احسن .
وتابع:” عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني “.
وأتم :” انا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء .. الحمدلله مستعد للإختبار ومتحمس …. شوية وقت وهنرجع نحارب من تاني …أشوفكم على خير قريب”.
